ACT Jaialdiko, Eszena Berritzaileen Nazioarteko Jaialdiaren 2025eko deialdiak bost kontinenteetako 500 proposamen artistiko baino gehiago jaso ditu.
ACT Festival nazioarteko sendotu egin da XXII. edizioan, mundu osoko 56 herrialdetako 550 proposamen artistiko jaso baititu. Gainera, lehen aldiz, bost kontinenteetako piezak aurkeztu dira deialdira.
Ekainaren 4tik 7ra Bilbon eta Barakaldon (Bizkaia) egingo den 2025. ediziorako, Kamerun, Boli Kosta, Korea, Ekuador, Frantzia, Italia eta Suitzako proiektuak aukeratu dira, baita Murtzia, Valentzia eta Madril ere. Lan horiek guztiak, beren jatorriagatik edo
berezitasunagatik, zaila da inguruko antzokietako ohiko programazioan aurkitzea.
Aipatutako 550 proposamen horietatik, 330 nazioartekoak izan dira, eta Europakoak eta, berritasun gisa, Afrikako hainbat herrialdetakoak nabarmentzen dira. Estatuko konpainiek
aurkeztutako lanei dagokienez, 188 izan dira; Euskal Herriko piezen presentzia, berriz, 27ra igo da.
Modalitateen arabera, dantza proiektuak nabarmentzen dira, eta, ondoren, antzerki proiektuak eta pèrformanceak. Jasotako proposamenen artean, zirku garaikidekoak ere nabarmentzen dira.
